Паломнический центр Покров
Категория
Направление
Период начала тура
Продолжительность
отдо
 
Категория
Регион
Дата мероприятия
 

Молитвы на Святой Земле. В помощь паломнику


ИЕРУСАЛИМ
 
ХРАМ ВОСКРЕСЕНИЯ ХРИСТОВА
 
ГОЛГОФА
 
Евангелие от Матфея 27, 33-56
Евангелие от Марка 15,22-41
Евангелие от Луки 23,33-49
Евангелие от Иоанна 19,17-38
 
Кресту Твоему / покланяемся, Владыко, / и святое Воскресение Твое / славим.
 
ТРОПАРЬ. Глас 4-й
Искупил ны еси от клятвы законныя / честною Твоею кровию, / на кресте пригвоздився / и копием прободся, // бессмертие источил еси человеком, Спасе наш, слава Тебе.
 
СТИХИРА, Глас 6-й
Днесь висит на древе, / Иже на водах землю повесивый, / венцем от терния облагается, / Иже Ангелов Царь, /в ложную багряницу облачается, / одеваяй небо облаки, / заушение прият, Иже во Иордане свободивый Адама, / гвозьдьми пригводися Жених церковный, / копием прободеся Сын Девы. /Поклоняемся страстем Твоим, Христе, / покланяемся страстем Твоим, Христе,  // покланяемся страстем Твоим, Христе, покажи нам и славное Твое Воскресение.
ЭКСАПОСТИЛАРИЙ
Разбойника благоразумного / во едином часе раеви сподобил еси, Господи, / и мене древом крестным просвети // и спаси мя.
 
КАМЕНЬ ПОМАЗАНИЯ
 
Евангелие от Иоанна 19, 38-42-
 
ТРОПАРЬ. Глас 2-й
Благообразный Иосиф, / с древа снем Пречистое Тело Твое, / плащаницею чистою обвив // и вонями во гробе покрыв, положи.
 
СТИХИРА, Глас 5- й
Тебе, одеющагося светом, яко ризою, / снем Иосиф с древа с Никодимом / и видев мертва, нага, непогребенна, / благосердный плачь восприим, рыдая глаголаше: / Увы мне, сладчайший Иисусе, / Егоже вмале солнце на кресте

висима узревшее / мраком облагашеся / и земля страхом колебашеся и раздирашеся церковная завеса, / но се ныне вижу Тя мене ради волею подъемша смерть. / Како погребу Тя, Боже мой, / или какою плащаницею обвию, / коима
ли рукама прикоснуся нетленному Твоему телу /  или кия песни воспою Твоему исходу, Щедрее? / Величаю страсти Твоя, песнословлю и погребение Твое со воскресением, // зовый: Господи, слава Тебе.
 
ЖИВОНОСНЫЙ ГРОБ ГОСПОДЕНЬ
 
Евангелие от Марка 16,1-8
Евангелие от Матфея 27, 57-28,8.
Евангелие от Луки 23,50-24,12
Евангелие от Иоанна 20,1-18.
 
Воскресение Твое, Христе Спасе, / Ангели поют на небесех, / и нас на земли сподоби / / чистым сердцем Тебе славити.
Христос воскресе из мертвых, / смертию смерть поправ / / и сущим во гробех живот даровав.
Воскресение Христово видевшее, / поклонимся Святому Господу Иисусу, / Единому безгрешному, / Кресту Твоему покланяемся, Христе, / и святое воскресение Твое поем и славим: / Ты бое си Бог
наш, / разве Тебе иного не знаем, / имя Твое именуем. / Приидите, вси вернии, поклонимся святому Христову воскресению, / се бо прииде Крестом радость всему миру. / Всегда благословяще Господа, / поем воскресение Его, / распятие бо претерпев, / / смертию смерть разруши.
Воскрес Иисус от Гроба, / якоже прорече, / даде нам живо вечный / / и велию милость.

СТИХИРЫ ПАСХИ
Да воскреснет Бог, / и расточатся врази Его.
Пасха / священная нам днесь показася, / Пасха нова святая, / Пасха таинственная, / Пасха всечестная, / Пасха Христос Избавитель, / Пасха непорочная, / Пасха великая, / Пасха верных, / Пасха двери райския нам отверзающая, / Пасха всех освящающая верных.
Яко исчезает дым, да исчезнут.
Приидите / от видения жены благовестницы / и Сиону рцыте: / Приими от нас радости благовещения / Воскресения Христова, / красуйся, ликуй / и радуйся, Иерусалиме, / Царя Христа узрев из Гроба, // яко Жениха, происходяща.
Тако да погибнут грешницы от лица Божия, а праведницы да возвеселятся.
Мироносицы жены, / утру глубоку, / представша Гробу живодавца, /  обретоша Ангела / на камени седяща, / и той провещав им, / сице глаголаше: / Что ищете Живаго с мертвыми, / что плачете Нетленнаго во тли?// Шедше, проповедите учеником Его.
Сей день, егоже сотвори Господь, возрадуемся и возвеселимся вонь.
Пасха красная, / Пасха, Господня Пасха, / Пасха всечестная нам возсия, / Пасха,/ 
радостию друг друга обымем. / О Пасха!/ Избавление скорби, / ибо из Гроба днесь, / яко от чертога,/ возсияв Христос / жены радости исполни, глаголя: // Проповедите Апостолом.
Слава Отцу и Сыну и Святому Духу и ныне и присно и во веки веков. Аминь.
Воскресения день, / и просветимся торжеством, / и друг друга обымем, / рцем «братие!»/ . И ненавидящим нас / простим вся воскресением / и тако возопиим:
Христос воскресе из мертвых / смертию смерть поправ // и сущим во гробех живот даровав.
 
ПАСХАЛЬНЫЙ КАНОН
 
ПЕСНЬ 1-я
Ирмос: Воскресения день, / просветимся, людие. / Пасха, Господня Пасха!/ От смерти бо к жизни / и от земли к небеси / Христос Бог нас преведе, // победную поющия.
Припев: Христос воскресе из мертвых.
Очистим чувстия / и узрим неприступным светом Воскресения / Христа блистающася / и «радуйтеся» рекуша / ясно, да  услышим, / победную поюще.
Христос воскресе из мертвых.
Небеса убо достойно да веселятся, / земля же да радуется, / да празднует же мир / видимый же весь и невидимый: /  Христос бо воста, // веселие вечное.
Христос воскресе. (Трижды).
 
ПЕСНЬ 3-я
Ирмос: Приидите, пиво пием новое, / не от камене неплодна чудодеемое, / но нетления источник / из гроба одождивша Христа, // в Немже утверждаемся.
Христос воскресе из мертвых.
Ныне вся исполнишася света, / небо же и земля / и преисподняя: / да празднует убо вся тварь / востание  Христово, // в немже утверждается.
Христос воскресе из мертвых.
Вчера спогребохся Тебе, Христе, / совостаю днесь / воскресшу Тебе; / распинахся Тебе вчера, / Сам мя спрослави, Спасе, // во Царствии Твоем.
Христос воскресе. (Трижды).
 
ИПАКОИ, Глас 4-й
Предварившия утро, яже о Марии, / и обретшия камень отвален от гроба / слышаху от Ангела: Во свете присносущнем Сущаго / с мертвыми что ищете, яко человека? / Видите гробные пелены, тецыте и миру проповедите, / яко воста Господь,умертвивый смерть, // яко есть Сын Бога, спасающаго род человеческий.
 
ПЕСНЬ 4-я
Ирмос: На Божественней стражи / богоглаголивый Аввакум да станет с нами / и покажет светоносна Ангела, / ясно глаголюща: / Днесь спасение миру, / яко воскресе Христос, // яко всесилен.
Христос воскресе из мертвых.
Мужеский убо пол, / яко разверзый девственную утробу, / явися Христос: яко человек же / Ангец наречеся, / непорочен же, яко невкусен скверны, / наша Пасха, / и яко  Бог истинен, // совершен речеся.
Христос воскресе из мертвых.
Яко единолетный Агнец, / благословенный нам венец Христос / волею за всех заклан бысть, / Пасха чистительная, / и паки из гроба красное // правды нам возсия Солнце.
Христос воскресе из мертвых.
Богоотец убо Давид / пред сенным ковчегом скакаше, играя;/ людие же Божии святии / образов сбытие зряще, /
веселимся божественне, / яко воскресе Христос, // яко всесилен.
Христос воскресе. (Трижды).
 
ПЕСНЬ 5-я
Ирмос: Утренюем утреннюю глубоку / и вместо мира песнь принесем Владыце / и Христа узрим, / правды Солнце, / всем жизнь // возсияюща.
Христос воскресе из мертвых.
Безмерное Твое благоутробие / адовыми узами содержимии зряще, / к свету идяху, Христе, / веселыми ногами, // Пасху хваляще вечную.
Христос воскресе из мертвых.
Приступим свещеноснии / исходящу Христу из гроба, яко Жениху, / и спразднуем любопразднственными чинми // Пасху Божию спасительную.
Христос воскресе. (Трижды).
 
ПЕСНЬ 6-я
Ирмос: Снизшел еси в преисподняя земли / и сокрушил еси вереи вечные, содержащия связанныя, Христе, / и тридневен, яко от кита Иона, // воскресл еси от гроба.
Христос воскресе из мертвых.
Сохранив цела знамения, Христе,/ воскресл еси от Гроба, / ключи Девы не вредивый в рождестве Твоем, / и отверзл еси нам // райския двери.
Христос воскресе из мертвых.
Спасе мой, / живое же и нежертвенное заколение, / яко Бог, Сам Себе / волею привед Отцу, / совоскресил еси всероднаго Адами,// воскрес от Гроба.
Христос воскресе. (Трижды).
 
КОНДАК, Глас 8-й
Ирмос: Аще и во гробснизшел еси, Безсмертне, / но адову разрушил еси силу / и воскресл еси яко победитель, Христе Боже, / женам мироносицам вещавый «радуйтеся» / и Твоим Апостолом мир даруяй, // падшим подаяй воскресение.
Еже прежде солнца Солнце, зашедшее иногда во гроб, / предвариша ко утру ищущия, яко дне, мироносицы девы / и друга ко друзей вопияху: / О другини! Приидите, вонями помажем тело живоносное и погребеное,/ плоть  Воскресившаго падшаго Адама, лежащую во гробе. / Идем, потщимся, якоже волсви, / поклонимся и принесем мира, яко дары, / не в пеленах, но в плащанице обвитому / и  плачим и возопиим: О Владыко, востани, // падшим подаяй воскресение.
 
ПЕСНЬ 7-я
Ирмос: Отроки от пещи избавивый, / быв человек, / страждет яко смертен / и страстию смертное / в нетления облачит благолепие / един благословен // отцев
Бог и препрославлен.
Христос воскресе из мертвых.
Жены с миры богомудрыя / в след Тебе течаху,/ Егоже яко мертва со слезами искаху, / поклонишася, радующияся живому Богу, / Пасху тайную // Твоим, Христе, учеником благовестиша.
Христос воскресе из мертвых.
Смерти празднуем умерщвление, / адово разрушение, иного жития вечнаго начало / и играюще поем виновнаго, / единаго благословеннаго Отцев Бога // и препрославленнаго.
Христос воскресе из мертвых.
Яко воистинну священная и всепразднственная / сия спасительная нощь / и светозарная, / светоноснаго дне востания сущи провозвестница: / в нейже безлетный Свет // из гроба плотски всем возсия.
Христос воскресе. (Трижды)

ПЕСНЬ 8-я
Ирмос: Сей нареченный и святый день / един суббот царь и господь, / праздников праздник / и торжество есть торжеств, // воньже благословим Христа во веки.
Христос воскресе из мертвых.
Приидите, новаго винограда рождения, / Божественнаго веселия / в нарочитом дни Воскресения / царствия Христова приобщимся, поюще Его // яко Бога во веки.
Христос воскресе из мертвых.
Возведи окрест очи Твои, Сионе, и виждь: / се бо приидоша к Тебе, / яко богосветлая светила, / от запада и севера и моря / востока чада Твоя, // в Тебе благословящая Христа во веки.
Христос воскресе из мертвых.
Отче Вседержителю и Слове и Душе, / треми соединяемое во ипостасех естество, / пресущественне и пребожественне / в Тя крестихомся / и Тя благословим во вся веки.
Христос воскресе. (Трижды).
 
ПЕСНЬ 9-я
Припев: Величит душа моя / воскресшаго тридневно от гроба / Христа Жизнодавца.
Ирмос: Светися, светися, / новый Иерусалиме: / слава бо Господня / на Тебе возсия. / Ликуй ныне / и веселися, Сионе, / Ты же , Чистая, красуйся, Богородице, // о востании Рождества Твоего.
Припев: Христос новая Пасха, / Жертва живая, / Агнец Божий, // вземляй грехи мира.
О Божественнаго, о любезнаго, / о  сладчайшаго Твоего гласа! / С нами бо неложно обещался еси быти / до скончания века, Христе; Егоже вернии // утверждение надежды имуще, радуемся.
 
 
Припев: Ангел вопияше благодатней: / Чистая Дево, радуйся. / И паки реку: Радуйся, / Твой Сын воскресе тридневен от гроба / и мертвыя воздвигнувый; // людие, веселитеся.
О Пасха велия и священнейшая, Христе! // О мудросте и слове Божий и сило! Подавай нам истее Тебе причащатися // в невечернем дни царствия Твоего.
Светися, светися, /новый Иерусалиме:/ слава бо Господня / на Тебе возсия. / Ликуй ныне / и веселися, Сионе. / Ты же, Чистая, красуйся , Богородице, // о восстании Рождества Твоего.
Христос воскресе. (Трижды).
 
ЭКСАПОСТИЛАРИЙ
Плотию уснув, яко мертв, Царю и Господи, тридневен воскресл еси, Адама воздвиг от тли и упразднив смерть: Пасха нетления, мира спасение.
 
 
МЕСТО ОБРЕТЕНИЯ КРЕСТА ГОСПОДНЯ
 
Кресту Твоему /покланяемся, Владыко, / и святое Воскресение Твое // славим.
 
ТРОПАРЬ, Глас 1-й
Спаси, Господи, люди Твоя / и благослови достояние Твое, / победы на сопротивныя даруя //  и Твое сохраняя Крестом Твоим жительство.
 
КОНДАК, Глас 4-й
Воснесыйся на Крест волею / тезоименитому Твоему новому жительству / щедроты Твоя даруй, Христе Боже, / возвесели нас силою Твоею, / победы дая нам на сопостаты, / пособие имущим Твое оружие мира, //  непобедимую победу.
ВЕЛИЧАНИЕ
Величаем Тя, Живодавче Христе, и чтим Крест Твой Святый, имже нас спасл еси от работы вражия.
 
ТРОПАРЬ СВЯТЫМ
РАВНОАПОСТОЛЬНЫМ КОНСТАНТИНУ И ЕЛЕНЕ
Креста Твоего образ на небеси видев / и якоже Павел звание не от человек прием, / во царех Апостол Твой, Господи, / царствующий град в руце Твоей положи, / егоже спасай всегда в мире //  молитвами Богородицы, Едине Человеколюбче.
 
КОНДАК, Глас 3-й
Константин днесь с материю Еленою / Крест являют, всечестное древо, / всех убо иудеов посрамление сущее, / оружие же на ротивныя верхных царей. / Нас бо ради явися знамение велие и во бранех грозное
ДОМ СВЯТЫХ ИОАКИМА И АННЫ
 
ТРОПАРЬ, Глас 1-й
Иже в законней благодати праведни бывшее, / Младенца богоданнаго породиша нам Иоаким и Анна. / Темже днесь светло торжествует, / весело празднующи,
Божественная церковь честную вашу память, / славящи Бога, воздвигшаго рог спасения нам / / в дому Давидове.
 
КОНДАК, Глас 2-й
Радуется ныне Анна, / неплодства разрешившися соуз, / и питает Пречистую, / созывающи вся воспети/  Даровавшаго от чрева ея человеком едину Матерь / / и неискусомужную.
 
ВЕЛИЧАНИЕ
Величаем вас, / святи богоотцы Иоакиме и Анно, / и чтим святую память вашу, вы бо молите за нас / / Христа Бога нашего.
 
МЕСТО РОЖДЕСТВА БОГОРОДИЦЫ
 
ТРОПАРЬ, Глас 4-й
Рождество Твое, Богородице Дево, / радость возвести всей вселенней: / из Тебе бо возсия Солнце правды Христос Бог наш / и, разрушив клятву, даде благословение / / и, упразднив смерть, дарова нам живот вечный.
 
КОНДАК, Глас 4-й
Иоаким и Анна поношения безчадства / и Адам и Ева от тли смертныя свободистася, Пречистая, / во святем Рождестве Твоем; / то празднуют и людие Твои, / вины прегрешений изьавльшеся, / внегда звати Ти: / неплодны раждает Богородицу и Питательницу жизни нашея.
 
ВЕЛИЧАНИЕ
Величаем Тя, / Пресвятая Дево, / и чтим святых Твоих родителей / / и всеславное славим Рождество Твое.
 
 
ОВЧАЯ КУПЕЛЬ
ВИФЕЗДА
 
Евангелие от Иоанна 5, 2-16
 
КОНДАК, Глас 3-й
Душу мою, Господи, во глесех всяческих / и безместными деяньми лютее разслаблену / воздвигни Божественным Твоим предстательством, /  якоже и расслабленнаго воздвигл еси древле, / да зову Ти, спасаемь, / / Щедрый: слава, Христе, державе Твоей.
СТИХИРЫ, Глас 1-й
Дланию Пречистою создавый человека, / пришел еси благоутробне недугующия исцелити, Христе. / Разслабленного во Овчей купели / словом Твоим возставил еси,  / кровоточивой же болезь исцелил еси,  / хананеи отроковицу стужаемую помиловал еси  / и прошения сотника не презрел еси. / /  Сего ради зовем:
всесильне Господи, слава Тебе.
Не погребен мертвец сый, / разслабленный видев Тя возопи: / Помилуй мя, Господи, / яко одр мой гроб мне бысть. / Что ми приобретение живота? / Не требую Овчия купели, / не имам бо никогоже влагаюша мя возмущающимся водам, / но к Тебе Источнику прихожу исцелений, / да и аз со всеми зову: / /  всесильне Господи, слава Тебе.
 
КРЕСТНЫЙ ПУТЬ
 
Евангелие от Иоанна 19,13-15
 
ЛИФОСТРОТОН
 
СТИХИРА, Глас 4-й
Искупил ны еси от клятвы законныя честноею / Твоею кровию, / на Кресте пригвоздився / и копием прободся, / / безсмертие источил еси человеком. Спасе наш, слава Тебе.
 
СТИХИРА, Глас 8-й
Прежде честного Твоего Креста / воином ругающимся Тебе, Господи, / умная воинства дивляхуся: / обложился бое си венцем поругания, / землю живописавый цветы, / багряницею поругания одеялся еси / облаки одеваяй твердь. /  Таковым бо смотрением / разумеся Твое благоутробие, Христе, / / велия Твоя милость, слава Тебе.
 
СТИХИРА, Глас 5-й
Влекомь на Крест сице вопиял еси, Господи: / За кое дело хощете Мя распятии, иудее? / Яко разслабленныя ваша стянгух, / зане мертвецы аки от сна возставих, / кровоточивую исцелих, / хананею помиловах. / За кое дело хощете Мя убити, иудее? / / Но узрите, в Негоже ныне прободаете, Христа, беззаконнии.
 
ЦЕРКОВЬ СВЯТОГО АЛЕКСАНДРА НЕВСКОГО
ПОРОГ СУДНЫХ ВРАТ
(Русская Православная Церковь за рубежом)
 
Поется то же, что и на Голгофе, а также следующее.
 
ТРОПАРЬ, Глас 8-ой
Егда славнии ученицы на умовении вечери просвещахуся,/ тогда Иуда злочестивый, сребролюбием недуговав, омрачашеся / и беззаконным судиям Тебе, праведнаго Судию, предает. Виждь, имений рачителю, сих ради удавление употребивша./ Бежи несытыя души, Учителю таковая дерзнувшия.// Иже о всех благий, Господи, слава Тебе.
 
СТИХИРА,  Глас 1-й
Грядый Господь к вольной страсти / Апостолом глаголаше на пути:/ Се восходим во Иерусалим,/ и предастся Сын Человеческий, / якоже есть писано о Нем. / Приидите убо, и мы очищенными смыслы сшествуим Ему / и сраспнемся и умертвимся Его ради житейским сластем, / да и оживем с Ним и услышим вопиюща Его:/ Не ктому в земный Иерусалим за еже страдати, / но восхожду ко Отцу Моему и Отцу вашему / и Богу Моему и Богу вашему // и совозвышу вас в горний Иерусалим, в Царство Небесное.
 
ТРОПАРЬ СВЯТОМУ АЛЕКСАНДРУ НЕВСКОМУ,  Глас 4-й
Яко благочестиваго корене / пречестная отрасль был еси, блаженнее Александре,/ яви бот я Христос яко некое Божественное сокровище Российстей земли,  / новаго чудотворца преславна и богоприятна, / и днесь сошедшееся в память твою верою и любовию / во псалмех и пениих радующееся славим Господа,/ давшаго тебе благодать исцелений,/ Егоже моли спасти град твой // и сыновом российским спастися.
 
КОНДАК, Глас 8-й
Яко звезду тя пресветлую почитаем / от востока возсиявшую и на запад пришедшую,/ всю бо страну сию чудесы и  добротоб обогащаеши / и присвещаеши верою чтущия память твою, Александре блаженнее,/сего ради днесь чтим твой собор, люди твои сущии. / Моли спасти отечество твое / и вся притекающия к рацее мощей твоих и верно вопиющия ти6 // радуйся, граду нашему утверждение.
 
ВЕЛИЧАНИЕ
Величаем Тя, / святый благоверный княже Александре, / и чтим святую память твою, / ты бо молише за нас // Христа Бога нашего.
 
ОБИТЕЛЬ ПРЕПОДОБНОЙ МЕЛАНИИ РИМЛЯНЫНИ
 
ТРОПАРЬ, Глас 8-й
В тебе, мати, известно спасеся, еже по образу:/ приимши бо крест, последовала еси Христу / и деющи учила еси презирати убо плоть, преходит бо, / прилежати же о души,  вещи безсмертней. // Темже и со ангелы срадуется, преподобная Мелание, дух твой.
 
КОНДАК, Глас 2-й
За любовь Господню, преподобная, покоя желание возненавидела еси, / пощением дух  твой просветивши, / крепко бо звери, победила еси, // но молитвами твоими противных шатание разори.
ВЕЛИЧАНИЕ
Ублажаем тя, / преподобная мати Мелание, / и чтим святую память твою, / ты бо молиши за нас // Христа Бога нашего.
 
 
МЕСТО ДРЕВНЕГО ИЕРУСАЛИМСКОГО ХРАМА
 
Мечеть Омара
 
ИЗ СЛУЖБЫ СРЕТЕНИЯ ГОСПОДНЯ
 
Ныне отпущаеши раба Твоего, Владыко, / по глаголу Твоему с миром, / яко видеста очи мои спасение Твое, / еже еси уготовал пред лицем всех людей, / свет во откровение языков // и славу людей Твоих Израиля.
 
ТРОПАРЬ, Глас 1-й
Радуйся, Благодатная Богородице Дево, / из Тебе бо возсия Солнце правды, Христос Бог наш, / просвещаяй сущия во тьме. / Вселися и ты, старче праведный, / приемый во объятия Свободителя душ наших, / дарующаго нам воскресение.
 
КОНДАК, Глас 1-й
Утробу Девичу освятивый Рождеством Твоим и руце Симеоне благословивый, / якоже подобаше предварив, / и ныне спасл еси нас, Христе Боже, / но умири во бранех жительство / и укрепи люди, / ихже возлюбил еси, // едине Человеколюбче.
 
ВЕЛИЧАНИЕ
Величаем Тя. / Живодавче Христе, / и чтим Пречистую Матерь Твою, / Еюже по закону ныне // принеслся еси в храм Господень.
 
ИЗ СЛУЖБЫ ВВЕДЕНИЯ ВО ХРАМ ПРЕСВЯТОЙ БОГОРОДИЦЫ
 
ТРОПАРЬ, Глас 4-й
Днесь благоволения Божия предображение / и человеков спасения проподелание:/ в храме Божии ясно Дева является / и Христа всем предвозвещает. / Той и мы велегласно возопиим:/ радуйся, смотрения // Зиждителева исполнение.
 
КОНДАК, Глас 4-й
Пречистый храм Спасов, / многоценный чертог и Дева, / священное сокровище славы Божия, / днесь вводится в дом Господень, благодать совводящи, / яже в Дусе Божественнем, / Юже воспевают Ангели Божии. / Сия селение небесное.
 
ВЕЛИЧАНИЕ
Величаем Тя./ Пресвятая Дево, Богоизбранная Отроковице, / и чтим еже в храм Господень // вхождение Твое.
СТИХИРА, Глас 2-й
Днесь в храм приводится Всенепорочная Дева, / во обителище Всецаря Бога / и всея жизни нашея Питателя, / днесь Чистейшая Святыня, / яко прилетствующая юница, во святая святых вводится. / Той возопиим, яко Ангел:// Радуйся, едина в женах Благословенная.
 
 
 
СИОН
 
СИОНСКАЯ ГОРНИЦА. МЕСТО ТАЙНОЙ ВЕЧЕРИ
 
Евангелие от Матфея 26,17-30.
Евангелие от Марка 14,12-26
Евангелие от Иоанна 13, 1-17
 
ТРОПАРЬ (особый распев), Глас 8-й
Егда славнии ученицы на умовение вечери просвещахуся, / тогда Иуда злочестивый, сребролюбием недуговав, омрачашеся  / и беззаконным судиям Тебе, праведного Судию, предает. / Виждь, имений рачителю, / сих ради удавление употребивша. Бежи несытыя души, / Учителю таковая дерзнувшия. / / Иже о всех благий, Господи, слава Тебе.
 
ТРОПАРЬ, Глас 6-й
Вечери Твоея тайныя днесь, / Сыне Божий, / причастника мя прими, / не бо врагом Твоим тайну повем, / не лобзания Ти дам, яко Иуда, / но яко разбойник исповедаю Тя: / / помяни мя, Господи, во Царствии Твоем.
 
МЕСТО СОШЕСТВИЯ СВЯТОГО ДУХА
 
Деяния апостолов 2,1-4
 
СТИХИРА, Глас 6-й
Царю Небесный, / Утешителю, Душе истины, / иже везде сый / и вся исполняй, / Сокровище благих / и жизни Подателю, / прииди и вселися в ны, / и очисти ны от всякия скверны // и спаси, Блаже, души наша.
 
ТРОПАРЬ, Глас 8-й
Благословен еси, Христе Боже наш, / Иже премудры ловцы явлей, / низпослав им Духа Святаго / и теми уловлей вселенную. / / Человеколюбче, слава Тебе.
 
КОНДАК, Глас 8-й
Егда снизшед языки слия, / разделяше языки Вышний; / егда же огненныя языки
раздаяше, / в соединение вся призва; / / и согласно славим Всесвятаго Духа.
 
ВЕЛИЧАНИЕ
Величаем Тя, / Живодавче Христе, /  и чтим Всесвятаго Духа Твоего, / Егоже от Отца послал еси / / Божественным учеником Твоим.
 
СТИХИРА, Глас 1-й
Языками инородных / обновил еси, Христе, Твоя ученики, / да теми Тя проповесят, безсмертнаго Слова и Бога, / / подающаго душам нашим велию милость.
 
СТИХИРА, Глас 2-й
Видехом свет истинный, / прияхом Духа небеснаго, / обретохом веру истинную, / нераздельней Троице покланяемся, / / Та бо нас спасла есть.
 
ХРАМ НА МЕСТЕ УСПЕНИЯ БОЖИЕЙ МАТЕРИ
 
Поется то же, что и в Гефсимании
 
СТИХИРА, Глас 5-й
Приидите, празднолюбных собор, / приидите, и лик составим. / Приидите, венчаем песньми Церковь / упокоением ковчега Божия. / Днесь бо небо простирает недра, / приемля Рождшую всеми Невместимаго, / и земля источник жизни / отдающи благословение, / украшается благолепием. / Ангели лик составляют со Апостолы, ужасно взирающее от живота в живот преставляему Рождшую Начальника жизни. Вси поклонимся Ей, молящееся: сроднаго присвоения не забуди, Владычице, верно празднующих всесятое Твое Успение.
 
ГЕФСИМАНИЯ
ГРОБНИЦА БОЖИЕЙ МАТЕРИ
 
ТРОПАРЬ, Глас 1-й
В рождестве девство сохранила еси, во успении мира не оставила еси, Богородице; преставилася еси к животу, Мати сущее Живота, и молитвами  Твоими избавляеши от смерти души наши.
 
КОНДАК, Глас 2-й
В молитвах неусыпающую Богородицу и в предстательствах непреложное упование гроб и умерщвление не удержаста, якоже бо Живота Матерь к животу престави во утробу Вселивыйся приснодевственную.
 
ВЕЛИЧАНИЕ
Величаем Тя, Пренепорочная Мати Христа Бога нашего, и всеславное славим успение Твое.
СВЕТИЛЕН
Апостоли от конец совокупльшеся, зде в Гефсиманийстей веси погребите Тело мое и Ты, Сыне и Боже Мой, приими Дух Мой.
 
СТИХИРА, Глас 1-й
О дивное чудо! Источник жизни во гробе полагается и лествица к небеси гроб бывет. Веселися, Гефсимание, Богородичен святый доме. Возопием, верни, Гавриила имущее чиноначальника: Благодатная, радуйся, с Тобою Господь, подаяй мирови Тобою велию милость.
 
ГЕФСИМАНСКИЙ САД. МЕСТО МОЛЕНИЯ О ЧАШЕ
 
Евангелие от Луки 22,39-53
Евангелие от Матфея 26, 36-56
Евангелие от Марка 14,32-50
Евангелие от Иоанна 18, 1-12
 
СТИХИРА, Глас 7-й
Кий тя образ, Иудо, предателя Спасу содела? Еда от лика тя апостольска разлучи? Еда дарования исцелений лиши? Еда со онеми вечеряв, тебе от трапезы отрину? Еда иных ноги умыв, твои же презре? О, коликих благ непамятлив был еси! И твой убо неблагодарный обличается нрав, Того же безмерное проповедуется долготерпение и велия милость.
 
МОНАСТЫРЬ СВЯТОЙ РАВНОАПОСТОЛЬНОЙ МАРИИ МАГДАЛИНЫ
(Русская Православная Церковь за рубежом)
 
ТРОПАРЬ
СВЯТОЙ РАВНОАПОСТОЛЬНОЙ МАРИИ МАГДАЛИНЕ, Глас 1-й
Христу нас ради от Девы рождшемуся, честная Магдалино Марие, последовала еси, Того оправдания и законы храняши. Темже днесь всесвятую твою память празднующее, грехов разрешение молитвами твоими приемлем.
 
КОНДАК, Глас 3-й
Предстоящи Преславная у Креста Спасова со иными многими и Матери  Господни состраждущи и слезы точащи, сие в похвалу приношаше, глаголющи: Что сие есть странное чудо, Содержай всю тварь пострадати изволи. Слава державе Твоей.
 
ВЕЛИЧАНИЕ
Величаем тя, мироносице святая равноапостольная Марие Магдалино, и чтим болезни и труды твоя, имиже трудилася еси во благовести Христове.
 
ТРОПАРЬ
ПРЕПОДОБНОМУЧЕНИЦЕ ВЕЛИКОЙ КНЯГИНЕ ЕЛИСАВЕТЕ ФЕОДОРОВНЕ, Глас 1-й
Смирением достоинство княжеское сокрывши, / богомудрая Елисавето, / сугубым служением Марфы и Марии / Христа почтила еси. / Милосердием, терпением и любовию себе предочистивши, / яко жертва праведная Богу принеслася еси. / Мы же, чтуще добродетельное житие и страдания твоя, / яко истинную наставницу усердно просим тя: / святая мученице великая княгине Елисавето, / моли Христа Бога спасти и просветити души наша. 
 
КОНДАК, Глас 2-й
Величие подвига веры кто повесть? Во глубине земли, яко в Раи светлости, страстотерпица Великая княгине Елисавето со Ангелы во псалмех и пениих радовашеся и, убиение претерпевающи, о безбожных мучителех взываше: Господи, прости им грех сей, не ведят бо, что творят. Тоя молитвами, Христе Боже, помилуй и спаси души наша.
 
ВЕЛИЧАНИЕ
Величаем Тя,святая преподобномученице Великая княгине Елисавето, и чтим честная страдания твоя, яже за Христа претерпела еси.
 
МЕСТО ПОБИЕНИЯ КАМНЯМИ СВЯТОГО ПЕРВОМУЧЕНИКА СТЕФАНА
 
ТРОПАРЬ, Глас 4-й
Подвигом добрым подвизался еси, первомучениче Христов и
апостоле, и мучителей обличил еси нечестие, камением бо побиен от рук беззаконных, венец от яже свыше десницы приял еси и к Богу взывал еси, вопия: Господи, не постави им греха сего.
 
КОНДАК, Глас 3-й
Владыка вчера нам плотию прихождаше, и раб днесь от плоти исхождаше. Вчера Царствуяй плотию родися, днесь раб камением побивается; того ради и скончавается первомученик и Божественный Стефан.
 
ВЕЛИЧАНИЕ
Величаем тя, страстотерпче святый Стефане, и чтим честная страдания твоя, яже за Христа претерпел еси.
 
ГОРА ЕЛЕОНСКАЯ
 
МЕСТО ВОЗНЕСЕНИЯ ГОСПОДНЯ
 
Евангелие от Луки 24, 50-53
Деяния апостолов 1,1-12
ТРОПАРЬ, Глас 4-й
Вознеслся еси во славе, Христе Боже наш, радость сотворивый учеником обетованием Святого Духа, извещенным им бывшим благословением, яко Ты еси Сын Божий, Избавитель мира.
 
КОНДАК, Глас 6-й
Еже о нас исполнив смотрение и яже на земли  соединив небесным, вознеслся еси во славе, Христе Боже наш, никакоже отлучаяся, но пребывая неотступный и вопия любящим Тя: Аз есмь с вами и никтоже на вы.
 
Величаем Тя, / Живодавче Христе, / и почитаем еже на Небеса / с пречистою Твоею Плотию // Божественное вознесение.
 
СТИХИРЫ, Глас 6-й
Господь вознесеся на небеса, / да послет Утешителя миру; / небеса уготоваша престол Его, / облацы восхождение Его. / Ангели дивятся, человека зряще превыше себе, / Отец ждет, / Егоже в недрах имать соприсносущна, /  Дух же Святый велит всем Ангелом Его:/ Возмите  врата, князи, ваша, / вси языцы восплещите руками, // яко взыде Христос, идеже бе первее.
На горах святых зряще Твое вознесение, Христе, / сияние славы Отчи / воспеваем Твой светообразный лица зрак, / кланяемся страстем Твоим, / почитаем воскресение, / славное вознесение славяще; // помилуй нас.
 
СТИХИРА, Глас 2-й
Родился еси, яко сам восхотел еси, / явился еси, яко сам изволил еси. / Пострадал еси плотию, Боже наш, / из мертвых воскресл еси, поправ смерть. / Вознеслся еси во славе, всяческая исполняяй, / и послал еси нам Духа Божественнаго, // еже воспевати и славити Твое Божество.
 
МЕСТО ОБРЕТЕНИЯ ЧЕСТНОЙ ГЛАВЫ СВЯТОГО ИОАННА ПРЕДТЕЧИ
(Вознесенский женский монастырь
Русской Православной Церкви  за рубежом)
 
ТРОПАРЬ, Глас 4-й
От земли возсияши, Предтечева глава, / лучи испущает нетления верным исцелений, / свыше собирает множество Ангел, / доле же созывает человеческий род // единогласную возсылати славу Христу Богу.
 
КОНДАК, Глас 2-й
Пророче Божий и Предтече благодати, / главу твою, яко шипок священнейший, от земли обретше, / исцеления всегда приемлем, / ибо паки, якоже прежде, // в мире проповедуеши покаяние.
 
ВЕЛИЧАНИЕ
Величаем Тя, / Крестителю Спасов Иоанне, / и почитаем вси честные Твоея главы обретение.
 
МАЛАЯ ГАЛИЛЕЯ
 
Евангелие от Луки (24, 36-43)
 
ХРАМ «ОТЧЕ НАШ»
 
Евангелие от Матфея  (6, 5-15)
 
КЕЛЬЯ ПРЕПОДОБНОЙ ПЕЛАГИИ
 
ТРОПАРЬ, Глас 8-й
В тебе, мати, известно спасеся, еже по образу: / приимши бо крест, последовала еси Христу / и деющи учила еси презирати  убо плоть, преходит бо, / прилежати же о души, вещи безсмертней; // темже и со Ангелы срадуется, преподобная Пелагие, дух твой.
 
КОНДАК, Глас 2-й
Тело твое постами изнуривши, / бденными молитвами Творца умолила еси о деяниих твоих, / яко да приимши совершенное оставление, / еже и обрела еси, мати, яве, // путь покаяния показавши.
 
ВЕЛИЧАНИЕ
Ублажаем тя, / преподобная мати Пелагие, / и чтим святую память твою,/ ты бо молиши за нас / Христа Бога нашего.
 
 
ВИФАНИЯ
 
Евангелие от Иоанна 11, 1-46
 
ТРОПАРЬ, Глас 1-й
Общее воскресение прежде Твоея страсти уверяя, из мертвых воздвигл еси Лазаря, Христе Боже. Темже и мы, яко отроцы победы знамения носящее, Тебе, Победителю смерти, вопием: осанна в вышних, благословен Грядый во имя Господне.
 
КОНДАК, Глас 2-й
Всех радость Христос, истина, свет, живот и мира воскресение сущим на земли явися Своею благостию и бысть образ воскресения, всем подая Божественное оставление.
СТИХИРА, Глас 3-й
Прежде шести дней бытия Пасхи прииде Иисус во Вифанию воззвати умерша четверодневна Лазаря и проповедати воскресение. Сретоша же Его и жены Марфа и Мариа, сестры Лазаревы, вопиюще к Нему: Господи, аще бы еси был зде, не бы умерл брат наш. Тогда глагола к ним: Не предрекох ли вам: веруяй в Мя аще и умрет, жив будет. Покажите ми, где положисте Его. И вопияше к нему Зиждитель всех: Лазаре, гряди вон.
 
СТИХИРА, Глас 6-й
Господи, глас Твой разруши адово царствие и слово власти Твоея возстви из гроба четверодневнаго, и бысть Лазарь пакибытия проображение спасительное. Вся возмоно Тебе, Владыко, всех Царю, даруй рабом Твоим очищение и велию милость.
 
СТИХИРА, Глас 6-й
Господи, уверити хотя учеником Твоим из мертвых Твое воскресение, на гроб Лазарев пришел еси и возгласившу Ти сего, ад пленися и отпусти четверодневна, вопиюща Тебе: Благословенный Господи, слава Тебе.
 
СТИХИРА, Глас 8-й
Представ гробу Лазареву, Спасе наш, и возгласив Мертваго, яко от сна воскресил еси, отрясу тление нетления манием и изыде словом связанный укройми. Вся можеши, вся Тебе работают, Человеколюбче, вся повинуются Ти; Спасе наш, слава Тебе.
 
ВЕЛИЧАНИЕ
Величаем Тя, Живодавче Христе: осанна в вышних! И мы Тебе вопием: благословен Грядый во имя Господне.
 
МЕСТО ДОМА СИМОНА ПРОКАЖЕННОГО
 
Евангелие от Марка 14, 3-9
Евангелие от Иоанна 12, 1-11
 
 
ИОСАФАТОВА ДОЛИНА
СИЛОАМСКАЯ КУПЕЛЬ
 
ТРОПАРЬ,  Глас 4-й
Душевными очима ослеплен / к Тебе Христе; прихожду, / якоже слепый от рождения, / покаянием хову Ти: / Ты сущих во тьме Свет пресветлый.

СЕЛО КРОВИ – АКЕЛДАМА
МОНАСТЫРЬ ПРЕПОДОБНОГО ОНУФРИЯ ВЕЛИКОГО
 
ТРОПАРЬ, Глас 8-й
В тебе, отче, известно спасеся, еже по образу:/ приим бо крест, последовал еси Христу / и дея учил еси презирать убо плоть, преходит бо, / прилежати же о души, вещи безсмертней; / темже и со Ангелы срадуется, преподобне Онуфрие, дух твой.
 
КОНДАК, Глас 3-й
Сиянием Духа Пресвятаго, богомудре, просвещся, / оставил еси яже в житии молвы, / пустыню же достигл, преподобне отче, / возвеселил еси Иже над всеми Бога и Зиждителя, // сего ради прославляет тя / Христос, блаженне, великий Дародатель.
 
ВЕЛИЧАНИЕ
Ублажаем тя, / преподобне отче Онуфрие, / и чтим святую память твою,/ наставниче монахов // и собеседниче Ангелов.
 
МОНАСТЫРЬ СВЯТОГО КРЕСТА
ТРОПАРЬ, Глас 1-й
 
Спаси, Господи, люди Твоя / и благослови достояние Твое, / победы на сопротивные даруя // и Твое сохраняя Крестом Твоим жительство.
 
Кресту Твоему покланяемся, Владыко, / и святое воскресение Твое славим.
 
Иже крестом ограждаеми, / врагу противляемся, / не боящеся того коварства и ловительства, / яко бо гордый упразднися / и попран бысть на древе // силою распятаго Христа.
 
СТИХИРА, Глас 6-й
Крест Твой, Господи, освятися, / тем бо бывают исцеления / немощствующим грехми; / сего ради к Тебе припадаем, // помилуй нас.
 
СТИХИРА, Глас 8-й
Господи, оружие на диавола Крест Твой дал еси нам, / трепещет бо и трясется, / не терпя взирати на силу его, / яко мертвыя возставляет и смерть упраздни; // сего ради покланяемся погребению Твоему и возстанию.
 
СТИХИРА, Глас 8-й
Ныне Кресту покланяющеся, вси воззовем:/ радуйся, древо жизни, / радуйся, скиптре святый Христов, / радуйся, человеков славо небесная, / радуйся, царей похвало, / радуйся, державо веры, / радуйся, оружие непобедимое, / радуйся, врагов отгнание, / радуйся, мучеников велия славо, / радуйся, сило праведных, / радуйся, Ангелов светлосте, // радуйся, всечестне.
СТИХИРА, Глас 2-й
Спасение соделал еси посреде земли, Христе Боже, / на Кресте пречистеи руце Твои простерл еси, / собирая вся языки, зовущия: // Господи, слава Тебе.
 
 СТИХИРА, Глас 6-й
Крест хранитель всея вселенныя, / Крест красота церкве, / Крест царей держава, / Крест верных утверждение, // Крест Ангелов слава и демонов язва.
 
КАТАМОН. ГРОБНИЦА СВЯТОГО ПРАВЕДНОГО СИМЕОНА БОГОПРИИМЦА
Поется кондак и тропарь Сретения Господня
 
Ныне отпущаеши раба Твоего, Владыко, / по глаголу Твоему  с миром, / яко видеста очи мои спасение Твое, / еже еси уготовал пред лицем всех людей, / свет во откровение языков // и славу людей Твоих Израиля.
 
КОНДАК, Глас 4-й
Старец днесь отрешитися / от юз молящися сего жития тленнаго // Христа восприят на руки, Зиждителя и Господа.
 
ГОРНЯЯ (АЙН КАРЕМ)/ ГОРНЕНСКИЙ ЖЕНСКИЙ МОНАСТЫРЬ. (Русская Православная Церковь)
 
Евангелие от Луки 1,39-57
 
ПЕСНЬ ПРЕЧИСТОЙ БОГОРОДИЦЫ
Величит душа моя Господа / и возрадовася дух мой о Бозе Спасе моем.
Припев: Честнейшую Херувим / и славнейшую без сравнения Серафим, / без  истления Бога Слова рождшую, // сущую Богородицу Тя величаем.
Яко призре на смрение рабы Своея, / се о отныне ублажат Мя вси роди.
Припев.
Яко сотвори Мне величие Сильный, и свято имя Его / и милость Его в роды родов боящимся Его.
Припев.
Сотвори державу мышцею Своею, / расточи гордыя мыслию сердца их.
Припев.
Низложи сильныя со престол и вознесе смиренныя, / алчущия исполни благ и богатрящияся отпусти тщи.
Припев.
Восприят Израиля, отрока Своего, помянути милости, / якоже глагола ко отцев нашим Аврааму и семени его даже до века.
Припев.

МЕСТО РОЖДЕНИЯ СВЯТОГО ИОАННА ПРЕДТЕЧИ
 
Евангелие от Луки 1, 5-25, 57-68, 76-80.
 
ТРОПАРЬ, Глас 4-й
Пророче и Предтече пришествия Христова, / достойно восхвалити тя недоумеем мы, / любовию чтущии тя,/ неплодство бо рождшия / и отчее безгласие разрешися / славным и честным твоим рождеством // и воплощение Сына Божия мирови проповедуется.
 
КОНДАК, Глас 3-й
Прежде неплоды днесь Христова Предтечу раждает, / и той есть исполнение всякого пророчества./ Егоже бо пророцы проповедаша, \ на Сего во Иордане руку положив,/ явися Божия Слова пророк, // проповедник вкупе и Предтеча.
 
ВЕЛИЧАНИЕ
Величаем тя, / Предтече Спасов Иоанне, / и чтим еже от неплодове // преславное рождество твое.
 
СТИХИРА, Глас 2-й
Иже из чрева матерня освящся /  и пророчества прием исполнение, / днесь от неплодныя раждается, / Господне пришествие проповедая ясно:// Покайтеся, приближися бо царство небесное.
 
СТИХИРА, Глас 4-й
Разрешает Захариино молчание рождейся Иоанн, / ибо не подобаше отцу молчати пришедшу гласу, / но якоже неверовавшу первее язык связа, / сице явльшуся дати отцу свобождение. Емуже и благовестися /  и родися глас Слова и света Предтеча, // моля о душах наших.
 
 
ВИФЛЕЕМ
 
Евангелие от Матфея 1,18-2,12
 
ТРОПАРЬ, Глас 4-й
Рождество Твое, Христе Боже наш, / возсия мирови свет разума, / в нем бо звездам служащии / звездою учахуся / Тебе кланятися, Солнцу Правды, / и Тебе ведети, с высоты Востока; / Господи, слава Тебе.
 
КОНДАК, Глас 3-й
Дева днесь Преснущественнаго раждает / и земля вертеп Неприступному приносит, /  Ангели с пастырьми славословят, / волсви же со звездою путешествуют, / нас бо ради родися / Отроча Младо, Превечный Бог.
ВЕЛИЧАНИЕ
Величаем Тя, / Живодавче Христе, / нас ради ныне плотию рождшагося // от Безневестныя и Пречистыя Девы Марии.
 
СТИХИРА, Глас 6-й
Слава в вышних Богу и на земли мир, / днесь восприемлет Вифлеем / Седящего присно со Отцем, / днесь Ангели Младенца рожденнаго /  боголепно славословят: / Слава в вышних Богу и на земли мир, // в человецех благоволение.
 
СТИХИРА, Глас 2-й
Что Тебе принесем, Христе, / яко явился еси на земли / яко человек нас ради? / Каяждо бо от Тебе бывших тварей благодарение Тебе приносит: / Ангели пение, небеса звезду, / волсви дары, пастырие чудо, / земля вертеп, пустыня ясли, / мы  же Матерь Деву. // Иже прежде век Боже, помилуй нас.
 
СТИХИРА, Глас 1-й
Небо и земля днесь пророчески да возвеселятся, / Ангели и человецы духовно да торжествуют, / яко Бог во плоти явися / сущим во тьме и сени седящим, / рождейся от Девы; / вертеп и ясли прияша Того, / пастырие чудо проповедуют, / волсви от восток в Вифлеем дары приносят, / мы же хвалу недостойными устнами / ангельски Тому принесем: / слава в вышних Богу и на земли мир, / прииде бо чаяние языков, // пришед спасе нас от работы вражия.
 
ИРМОСЫ НА РОЖДЕСТВО ХРИСТОВО, Глас 1-й
 
1-я песнь
Христос раждается, славите! / Христос с небес, срящите! / Христос на земли, возноситеся, / пойте Господеви, вся земля, / и веселимся воспойте, людие, // яко прославися.
2-я песнь
Прежде век от Отца рожденному нетленно Сыну / и в последняя от Девы / воплощенному безсеменно / Христу Богу возопиим: / вознесый рог наш, // Свят еси, Господи.
4-я песнь
Жезл из корене Иессеова / и цвет от него, Христе, / от Девы прозябл еси, / из горы, хвальный, приосененныя чащи / пришел еси, воплощся от неискусомужныя, / невещественный и Боже; // слава силе Твоей, Господи.
 
5-я песнь
Бог сый мира, Отец щедрот / великаго совета Твоего Ангела, / мир подавающа, послал еси нам. / Тем богоразумия к свету наставльшеся, / от нощи утренююще, // славословим тя, Человеколюбче.
 
6-я песнь
Из утробы Иону младенца изблева морский зверь, / якова прият; / в Деву же всельшееся Слово и плоть приемшее / пройде, созраншее нетленну / его бо не пострадала истления, // Рождшую сохрани неврежденну.
7-я песнь
Отроцы благочестию совоспитани / злочестиваго веления небрегше, / огненнаго прещения не убояшася, / но посреди пламене стояще, пояху: / отцев Боже, // благовен еси.
8-я песнь
Чуда преестественнаго / росодательная изобрази пещь обрах, / не бо яже прият палит юныя, / яко огнь  Божества Девы, / в Нюже вниде утробу. / Тем воспевающе, воспоем: / да благословит тварь вся Господа // и превозносит во вся веки.
 
9-я песнь
Таинство странное вижду / и преславное:  / небо вертеп, / престол херувимский Деву, / ясли вместилище, / в нихже возлеже невместимый Христос Бог, // Егоже воспевающе, // величаем.
 
 
БЕТ – ДЖАЛА. ХРАМ СВЯТИТЕЛЯ НИКОЛАЯ ЧУДОТВОРЦА
 
ТРОПАРЬ, Глас 4-й
Правило веры  и образ кротости, / воздержания учителя / яви тя стаду твоему, / яже вещей истина. / Сего ради стяжал еси смирением высокая, / нищетою богатая. / Отче священноначальниче Николае, / моли Христа Бога // спастися душам нашим.
 
КОНДАК, Глас 3-й
В Мирех, святе, священнодействитель показался еси, / Христово бо, преподобне, Евангелие исполнив, / положил еси душу твою о людех твоих / и спасл еси неповинныя от смерти. / Сего ради освятился еси, // яко великий таинник Божия благодати.
 
ВЕЛИЧАНИЕ
Величаем Тя, / святителю отче Николае, / и чтим святую память твою, / ты бо молиши за нас // Христа Бога нашего.
 
 
ХЕВРОН. ДУБ МАМВРИЙСКИЙ
 
Книга Бытия 18,1-6
ТРОПАРЬ, Глас 8-й
Благословен еси, Христе Боже наш, Иже премудры ловцы явлей, низпослав им Духа Святаго и теми уловлей вселенную. Человеколюбче, слава Тебе.
 
КОНДАК, Глас 8-й
Егда, снизшед, языки слия, разделяше языки Вышний, егда же огненныя языки раздаяше,  в соединение вся призва. И согласно славим Всесвятаго Духа.
 
ВЕЛИЧАНИЕ
Величаем Тя, Живодавче Христе, и чтим Всесвятаго Духа Твоего, Егоже от Отца послал еси Божественным учеником Твоим.
 
ТРОПАРЬ СВЯТЫМ ПРАОТЦАМ, Глас 2-й
Верою праотцы оправдал еси, от язык теми предобручивый церковь; хвалятся в славе святи, яко от Семене их есть плод благославен, без семени Рождшая Тя. Тех молитвами, Христе Боже, помилуй нас.
 
КОНДАК, Глас 6-й
Рукописаннаго образа не почетшее, но Неописанным Существом защитившеся, треблаженнии, в подвизе огня прославистеся, среде же пламене нестерпимаго стояще, Бога призвасте: ускори, о Щедрый, и потщися, яко милостив, в помощь нашу, яко можеши, хотяй.
 
 
ИОРДАН
 
ЧИН ВЕЛИКОГО ОСВЯЩЕНИЯ ВОДЫ
 
Евангелие от Марка 1, 9-11
Евангелие от Матфея  3, 13-17
Евангелие от Луки 3, 21-23
 
ТРОПАРЬ, Глас 8-й
Глас Господень на водах вопиет, глаголя:/ Приидите, приимите  вси / духа премудрости, духа разума, / духа страха Божия, // явльшагося Христа.
Днесь вод освящается естество, / и разделяется Иордан, / и своих вод возвращается струи, // Владыку зря крещаема.
Яко человек на реку пришел еси, Христе Царю, / и рабское крещение прияти тщишися, Блаже, / от Предтечеву руку // грех ради наших, Человеколюбче.
Слава Отцу и Сыну и Святому Духу  и ныне и присно и во веки веков. Аминь
 
Ко гласу вопиющего в пустыни: / Уготовайте путь Господень, / пришел еси, Господи, / зрак рабий приим, крещения прося, не ведый греха, / видеша Тя воды
и убояшася, / трепетен бысть Предтеча и возопи, глаголя:/ Како просветит светильник Света, / како руку положит раб на Владыку? / Освяти мене и воды, // Спасе, вземляй мира грех.
 
ПРОКИМЕН, Глас 3-й
Господь просвещение мое и Спаситель мой, кого убоюся?
Стих: Господь защититель живота моего , от кого устрашуся?
 
ТРОПАРЬ, Глас 1-й
Во Иордане крещающуся Тебе, Господи, / Троическое явися поклонение: / Родителев бо глас свидетельствовавше Тебе, / возлюбленнаго Тя Сына именуя, / и Дух в виде голубине / извествовавше словесе утверждение. / Явлейся, Христе Боже, // и мир просвещей, слава Тебе.
Слава Отцу и Сыну и Святому Духу и ныне и присно и во веки веков. Аминь.
 
СТИХИРА, Глас 6-й
Воспоим, вернии, / еже о нас Божия благодеяния величество: / о нашем бо прегрешении быв человек, / нашим очищением очищается во Иордане / Един чистый и нетленный, / освящаяй мене и воды / и главы змиев сокрушаяй в воде. / Почерпнем убо воду с веселием, братие, / благодать бо Духа верно почерпающим / невидимо подавается от Христа Бога // и Спаса душ  наших.
 
КОНДАК, Глас 4-й
Явился еси днесь вселенней / и свет Твой, Господи, знаменася на нас, / в разуме поющих Тя; / пришел еси и явился еси, // Свет неприступный.
 
СТИХИРА, Глас 8-й
Днесь тварь просвещается, / днесь всяческая веселятся, / небесная вкупе и земная, / Ангели и человецы смешаются; / идеже бо царево пришествие, и чин приходит. / Тецем убо на Иордан и видим вси Иоанна:/ како крещает Верх Нерукотворный и Безгрешный? Темже, апостольский глас припевающе, согласно возопиим:/ Явися благодать Божия спасительная всем человеком, // озаряющи и подающи верным велию милость.
 
ВЕЛИЧАНИЕ
 
Величаем Тя, / Живодавче Христе, / нас ради ныне плотию крестившагося / от Иоанна // в водах иорданских.
 
Елицы во Христа крестистеся, во Христа облекостеся, // аллилуя.
 
 
 
ИЕРИХОН. СОРОКОДНЕВНАЯ ГОРА
 
Евангелие от Матфея 4, 1-11
Евангелие от Луки 4, 1-14
Евангелие от Луки 18, 35-43
 
ВЕЛИКИЙ КАНОН СВЯТОГО АНДРЕЯ КРИТСКОГО
Поется на особый распев 6-го гласа
 
ПЕСНЬ 1-Я
Помощник и покровитель бысть мне во спасение, Сей мой Бог, прославлю Его, Бог Отца моего, и вознесу Его, славно бо прославися.
 
ПЕСНЬ 2-Я
Вонми, небо, и возглаголю и воспою Христа, от Девы плотию пришедшаго.
 
ПЕСНЬ 3-я
На недвижимом Христе камени заповедей Твоих утверди мое помышление.
 
ПЕСНЬ 4-я
Услыша пророк пришествие Твое, Господи, и убояся, яко хощеши от Девы родитися и человеком явитися, и глаголаше: Услышах слух Твой и убояхся. Слава силе Твоей, Господи.
 
ПЕСНЬ 5-я
От нощи утренююща, Человеколюбче, просвети, молюся, и настави и мене на повеления Твоя и научи мя, Спасе, творити волю Твою.
 
ПЕСНЬ 6-я
Возопих всем сердцем моим к щедрому Богу, и услыша мя от ада преисподняго и возведе от тли живот мой.
 
ПЕСНЬ 7-я
Согрешихом, беззаконновахом, неправдовахом пред Тобою, ниже соблюдохом, ниже сотворихом, якоже заповедал еси нам, но не предаждь нас до конца, отцев Боже.
 
ПЕСНЬ 8-я
Егоже воинства небесная славят и трепещут Херувими и Серафими, всяко дыхание и тварь пойте, благословите и превозносите во вся веки.
 
ПЕСНЬ 9-я
Безсеменнаго зачатия Рождество несказанное, Матерее безмужныя нетленен плод, Божие бо рождение обновляет естества. Тем же Тя вси роди, яко
Богоневестную Матерь, православно величаем.
 
КОНДАК, Глас 6-й
Душе моя, душе моя, востани, что спиши? Конец приближается и имаши смутитися. Воспряни убо, да пощадит тя Христос Бог, везде сый и вся исполняй.
 
 
У ЕЛИСЕЕВА ПОТОКА
 
4 Цар. 2, 19-22
 
ТРОПАРЬ ПРОРОКУ ЕЛИСЕЮ, Глас 4-й
Во плоти Ангел, пророков основание, вторый предтеча пришествия Христова Илиа славный, сыше пославый Елисеевы благодать недуги отгоняти и прокаженныя очищати, темже и почитающим его точит исцеления.
 
КОНДАК, Глас 2-й
Пророк Божий явился еси, сугубую благодать прием, воистину достойную Тебе, Елисее блаженнее, Илии бо был еси совсельник, с ним Христу Богу моляся непристанно о всех нас.
 
ВЕЛИЧАНИЕ
Величаем тя, пророче Божий Елисее, и чтим святую память твою, ты бо молиши за нас Христа Бога нашего.
 
МЕСТО ЗАКХЕЯ
 
Евангелие от Луки 19, 1-10
 
ТРОПАРЬ, Глас 8-й
Якоже Закзееву дому Твоим, Христе, входом спасение бысть, сице и ныне, входом священных служителей Твоих и с ними святых Ангел Твоих, мир Твой подаждь дому сему и милостивно благослови его, спасая и просвещая всех житии хотящих в нем.
 
ПАМЯТЬ ИСЦЕЛЕНИЯ СЛЕПЫХ
 
Евангелие от Луки 18, 35-43
Евангелие от Марка 10, 46-52
Евангелие от Матфея 20, 29-34.
 
 
МОНАСТЫРИ
 
МОНАСТЫРЬ СВЯТОГО ПРОРОКА ИЛИИ
 
ТРОПАРЬ, Глас 4-й
Во плоти Ангел, пророков основание, вторый предтеча пришествия Христова Илиа славный, свыше пославый Елисееви благодать недуги отгоняти и прокаженныя очищати, также и почитающим его точит исцеления.
 
КОНДАК, Глас 2-й
Пророче и провидче великих дел Бога нашего, Илие великоимените, вещанием твоим уставивый водоточныя облаки, моли о нас Единаго Человеколюбца.
 
ВЕЛИЧАНИЕ
Величаем тя, пророче Божий Илие славнее, и почитаем еже на небеса с плотию огненное восхождение твое.
 
МОНАСТЫРЬ СВЯТОГО ИОАННА ПРЕДТЕЧИ
 
ТРОПАРЬ, Глас 2-й
Память праведнаго с похвалами, тебе же довлеет свидетельство Господне, Предтече: показал бос я еси воистину и пророков честнейший, яко и в струях крестити сподобился еси Проповеданнаго. Темже, за истину пострадав, радуяся благовестил еси и сущим во аде Бога, явльшагося плотию, вземлющаго грех мира и подающаго нам велию милость.
 
КОНДАК, Глас 6-й
Плотскаго Твоего пришествия убоявся, Иордан страхом возвращашеся; пророческое же служение исполняя, Иоанн трепетом спряташеся, ангельския чины ужасахуся, зрящее Тя во струях плотию крещаема, и вси сущии во тьме озаряхуся, воспевающее Тя, явльшагося и просвтившаго вся.
 
ВЕЛИЧАНИЕ
Величаем тя, Предтече Спасов Иоанне, и чтим еже от неплодове преславное рождество твое.
 
МОНАСТЫРЬ СВЯТОГО ВЕЛИКОМУЧЕНИКА ГЕОРГИЯ
 
ТРОПАРЬ, Глас 4-й
Яко пленных свободитель и нищих защититель, немощствующих врач, царей поборниче победоносче велокомучениче Георгие, моли Христа Бога спастися душам нашим.
КОНДАК, Глас 4-й
Возделан от Бога показался еси благочестия делатель честнейший, добродетелей рукояти собрав себе, сеяв бо в слезах, веселием жнеши, страдальчествовав же кровию, Христа приял еси и молитвами, святее, твоими подаеши прегрешений прощение
 
ВЕЛИЧАНИЕ
Величаем тя, страстотерпче святый Георгие, и чтим честная страдания твоя, яже за Христа претерпел еси.
 
МОНАСТЫРЬ ПРЕПОДОБНОГО ГЕОРГИЯ ХОЗЕВИТА
 
ТРОПАРЬ, Глас 8-й
В тебе, отче, известно спасеся, еже по образу: приим бо крест, последовал еси Христу и дея учил еси презирати убо плоть, преходит бо, прилежати же о души, вещи безсмертней. Темже и со Ангелы срадуется, преподобне Георгие, дух твой.
 
КОНДАК, Глас 4-й
Явился еси светило пресветлое, Георгие, озаряя Божественными зарями верно зовущия ти. Моли о нас Владыку Христа, явльшагося во струях и просвещшаго земнородныя.
 
ВЕЛИЧАНИЕ
Ублажаем тя, преподобный отче Георгие, и чтим святую память твою, наставниче монахов и собеседниче Ангелов.
 
МОНАСТЫРЬ ПРЕПОДОБНОГО ГЕРАСИМА
 
ТРОПАРЬ, Глас 8-й
В тебе, отче, известно спасеся, еже по образу: приим бо крест, последовал еси Христу и дея учил еси презирати убо плоть, преходит бо, прилежати же о души, вещи безсмертней. Темже и со Ангелы срадуется, преподобне Герасиме, дух твой.
 
КОНДАК, Глас 4-й
Возгоревся рачением горним, жестокость пустыни Иордановы паче всех мира сладких предпочел еси, отонудуже повинувся тебе зверь даже до смерти, отче, послушнее и жалостнее на грое твоем скончася. Прославльшу тя тако Богу к Нему же моляся, и о нас, отче Герасиме, поминай.
 
ВЕЛИЧАНИЕ
Ублажаем тя, преподобный отче Георгие, и чтим святую память твою, наставниче монахов и собеседниче Ангелов.
 
ПОЛЕ ПАСТУШКОВ
 
Евангелие от Луки 2, 1-20
 
МОНАСТЫРЬ ПРЕПОДОБНОГО ФЕОДОСИЯ
 
ТРОПАРЬ, Глас 8-й
Слез твоих теченьми пустыни безплодное возделал еси, и иже из глубины воздыханьми во сто трудов уплодоносил еси, и был еси светильник вселенней, сияя чудесы; Феодосие отче наш, моли Христа Бога спастися душам нашим.
 
КОНДАК, Глас 8-й
Насажден во дворех Господа твоего, преподобными твоими добродетельми красно процвел еси и умножил еси чада твоя в пустыни, слез твоих тучами напаяемая, стадоначальниче Божий Божественных дворов. Темже зовем: радуйся, отче Феодосие.
 
ВЕЛИЧАНИЕ
Ублажаем тя, преподобный отче Феодосие, и чтим святую память твою, наставниче монахов и собеседниче Ангелов.
 
ТРОПАРЬ ПРЕПОДОБНОЙ ЕФРОСИНИИ, Глас 4-й
Подражающи дванадесятолетна дванадесятолетну Христу, учившему во святилищи Божию славу, последовала еси, Ефросиние, славу временную и земнаго обручника оставльши и вся мирская презревши, краснейшему паче всех Христу себе уневестила еси. Крест вземши, путем ангельскаго жития шествующи и многия к нему наставляющи, во благоухании мира в небесный чертог востекла еси, идеже моли, Егоже возлюбила еси, о чтущих благочестно память твою.
 
ЛАВРА ПРЕПОДОБНОГО САВВЫ ОСВЯЩЕННОГО
 
ТРОПАРЬ, Глас 8-й
Слез твоих теченьми пустыни безплодное возделал еси, и иже из глубины воздыханьми во сто трудов уплодоносил еси, и был еси светильник вселенней, сияя чудесы. Савво отче наш, моли Христа Бога спастися душам нашим.
 
КОНДАК, Глас 8-й
Яко от младенчества Богу жертва непорочная принеслся еси добродетелию, Савво блаженнее, садоделатель быв благочестия, темже был еси преподобных удобрение, гражданин же пустынный достохвален. Темже зовем ти: радуйся, Савво пребогате.
 
ТРОПАРЬ
ПРЕПОДОБНОМУ ИОАННУ ДАМАСКИНУ, Глас 8-й
Православии наставниче, благочестия учителю и чистоты, вселенныя светильниче, монашествующих богодуховенное удобрение, Иоанне премудре, ученьми твоими вся просветил еси, цевнице духовная, моли Христа Бога спастися душам нашим.
 
КОНДАК, Глас 4-й
Песнописца и честнаго богоглагольника, Церкве наказателя и учителя и врагов сопротивоборца Иоанна воспоим, оружие бо взем, Крест Господень, всю отрази ересей прелесть и, яко теплый предстатель к Богу, всем подает прегрешений прощение.
 
ВЕЛИЧАНИЕ
Ублажаем тя, преподобный отче Иоанне, и чтим святую память твою, наставниче монахов и собеседниче Ангелов.
 
ЛАВРА ПРЕПОДОБНОГО ХАРИТОНА
 
ТРОПАРЬ ПРЕПОДОБНОМУ ХАРИТОНУ, Глас 8-й
Слез твоих теченьми пустыни безплодное возделал еси, и иже из глубины воздыханьми во сто трудов уплодоносил еси, и был еси светильник вселенней, сияя чудесы. Савво отче наш, моли Христа Бога спастися душам нашим.
 
КОНДАК, Глас 2-й
Насладився, богомудре, воздержания и плоти твоея вожделения обуздав, явился еси, верою возращаемь, и яко жизни древо посреде рая процвел еси, Харитоне всеблаженне, священнейший.
 
ВЕЛИЧАНИЕ
Ублажаем тя, преподобный отче Харитоне, и чтим святую память твою, наставниче монахов и собеседниче Ангелов.
 
 
ЕММАУС
 
Евангелие от Луки24, 13-35
 
Воскресение Христово видевшее, поклонимся Святому Господу Иисусу, Единому безгрешному, Кресту Твоему поклоняемся, Христе, и святое воскресение Твое поем и славим: Ты бое си Бог наш, разве Тебе иного не знаем, имя Твое именуем. Приидите, вси вернии, поклонимся святому Христову
воскресению; се бо прииде Крестом радость всему миру; всегда благословяще Господа, поем воскресение Его, распятие бо претерпев, смертию смерть разруши.
 
КОНДАК, Глас 2-й
Луце и Клеопе во Еммаус спутешествовавый, Спасе, сшествуй и ныне рабом Твоим, путешествовати хотящим, от всякого избавляя их злаго обстояния, вся бо Ты, яко Человеколюбец, можеши хотяй.
Также псалом 33-й.
 
 
САМАРИЯ
КОЛОДЕЦ ИАКОВА
 
Евангелие от Иоанна 4, 5-42
 
ТРОПАРЬ ПРЕПОЛОВЕНИЯ, Глас 8-й
Преполовившуся празднику, / жаждущую душу мою благочестия напой водами, / яко всем, Спасе, возопил еси: / Жаждай да грядет ко Мне и да пиет. // Источниче жизни нашея, Христе Боже, слава Тебе.
 
КОНДАК САМАРЯНЫНЕ, Глас 8-й
Верою пришедшая на кладязь самаряныня / виде Тя, премудрости воду, / еюже напоившися обильно, // царствие вышнее наследова вечно яко приснославная.
 
СТИХИРА, Глас 2-й
На студенец яко прииде Господь, / Самаряныня моляше Благоутробнаго: / Подаждь ми воду веры, / и прииму купельныя воды радование и избавление; // живодавче Господи, слава Тебе.
 
СТИХИРА, Глас 6-й
При студенце Иаковли обрет Иисус самаряныню, / просит воды от нея,/ облаками покрываяй землю. / О чудесе! Иже херувимы носимый, / блуднице жене беседоваше, / воду прося, Иже на водах землю повесивый, / воды иский, Иже источники и езера вод изливаяй, / хотя привлещи сию воистинну / уловляему от сопостата врага / и напоити  ю водою живою, / палимую в безместиих люте, // яко един Благоутробный и Человеколюбец.
 
СТИХИРА, Глас 8-й
Егда явился еси во плоти, Христе Боже, / за неизреченное смотрение / слышавши Самаряныня слово Тебе Человеколюбца, / остави почерпало у стеденца / и тече, глаголющи сущим во граде:/ Приидите, видите Сердцеведца, / егда Сей есть чаемый Христос, // имеяй велию милость.
 
ГАЛИЛЕЯ
 
НАЗАРЕТ
 
Евангелие от Луки 1, 26-38
 
ТРОПАРЬ, Глас 4-й
Днесь спасения нашего главизна и еже от века таинства явление: Сын Божий Сын Девы бывает, и Гавриил благодать благовествует. Темже и мы с ним Богородице возопиим: радуйся, Благодатная, Господь с Тобою.
 
Богородице Дево, радуйся, Благодатная Марие, Господь с Тобою.  Благословена Ты в женах, и благословен плод чрева Твоего, яко Спаса родила еси душ наших.
 
ВЕЛИЧАНИЕ
Архангельский глас вопием Ти, Чистая: Радуйся, Благодатная, Господь с Тобою.
 
СТИХИРА,  Глас 1-й
С небесных кругов слетев, Гавриил в Назарет прииде к Деве Марии, вопия ей: Радуйся, зачнеши Сына Адама древнейшаго, Творца веков и Избавителя вопиющих Тебе: радуйся, Чистая.
 
СТИХИРА, Глас 2-1
Благовествует Гавриил Благодатней днесь: Радуйся, неневестная Мати и неискусобрачная, не удивляйся странному моему зраку, ни ужасайся, Архангел бо естъмь; змий прельсти Еву иногда, ныне же благовествую Тебе радость: и пребудеши нетленна и родиши Господа, Пречистая.
 
СТИХИРА, Глас 6-й
Играйте, ликовствующе, с веселием воспойте: Гавриил Деве радость приносяй предста в Назарете ныне граде радость благовещения. Радуйся, Чистая и Непорочная, мира предстательство, радуйся, Небесный Престол.
 
СТИХИРА (особый распев), Глас 6-й
Совет превечный открывая Тебе, Отроковице, Гавриил предста Тебе, лобзая и вещая: Радуйся, земле ненасеянная, радуйся, купино неопалимая, радуйся, глубино неудобозримая, радуйся, мосте, к небесем преводяй, и лествице высокая, юже Иаков виде, радуйся, разрешение клятвы, радуйся, Адамово воззвание, с Тобой Господь.
 
 
СИНАГОГА
 
Евангелие от Матфея 13, 54-58
Евангелие от Луки 6, 6-11
Евангелие от Луки 4, 16-30
 
ГОРА СВЕРЖЕНИЯ
 
Евангелие от Луки 4, 25-31
 
КАНА ГАЛИЛЕЙСКАЯ
 
Евангелие от Иоанна 2,1-11
 
ТРОПАРЬ АПОСТОЛУ СИМОНУ ЗИЛОТУ, Глас 3-й
Апостоле святый Симоне, моли милостиваго Бога, да прегрешений оставление подаст душам нашим.
 
КОНДАК, Глас 2-й
Известно премудрости учения в душах благочествующих положшаго во хвалении ублажем, яко богоглаголиваго вси Симона: Престолу бо Славы ныне предстоит и со безплотными веселится, моляся непрестанно о всех нас.
 
ВЕЛИЧАНИЕ
Величаем тя, апостоле Христов Симоне, и чтим болезни и труды твоя, имиже трудился еси во благовестии Христове.
 
ТИВЕРИАДА – ХРАМ ДВЕНАДЦАТИ АПОСТОЛОВ
 
ТРОПАРЬ, Глас 4-й
Апостолов первопрестольницы и вселенныя учителие, Владыку всех молите мир вселенней даровати и душам нашим велию милость.
 
КОНДАК, Глас 2-й
Камень  Христос каменя веры прославляет светло, учеников преизрядна, и с Павлом весь двенадесяточисленный собор днесь, ихже память совершающе, верно сих  Прославльшаго прославляем.
 
ВЕЛИЧАНИЕ
Величаем вас, Апостоли Христовы, весь мир ученьми своими просветившия и вся концы ко Христу приведшия.
 
СТИХИРА, Глас 4-й
Яко лучи блистающии зарями духовными, в мир весь послани бысте, чудес действо независтно подающе, служителие Христовых таин бывше и богописанныя скрижали Божия благодати написанныя, богонаученнаго закона священнотаинницы пребогатии
 
МАГДАЛА
Поется то же, что в монастыре святой равноапостольной Марии Магдалины.
 
 
ГАЛИЛЕЙСКОЕ ОЗЕРО
 
Евангелие от Матфея 4, 18-22, 8,23-27.
Евангелие от Луки 5, 1-11
Евангелие от Иоанна 21, 1-14
 
КАПЕРНАУМ
 
Евангелие от Матфея 4, 12-17
 
ГОРА БЛАЖЕНСТВ
 
Во Царствии Твоем помяни нас, Господи, егда приидеши во Царствии Твоем.
Блажени нищие духом, яко тех есть Царство Небесное.
Блажени плачущии, яко тии утешатся.
Блажени кротцыи, яко тии наследят землю.
Блажени алчущии  и жаждущии правды, яко тии насытятся.
Блажени милостивии, яко тии помиловани будут.
Блажени чистии сердцем, яки тии Бога узрят.
Блажени миротворцы, яко тии сынове Божии нарекутся.
Блажени изгнани правды ради, яко тех есть Царство Небесное.
Блажени ести, егда поносят вам и ижденут и рекут всяк зол глагол, на вы лжуще Мене ради.
Радуйтеся и веселитеся, яко мзда ваша многа на небесех.
 
 
МЕСТО УНОЖЕНИЯ ХЛЕБОВ. (ЕТ-ТАБЕГА)
 
Евангелие от Матфея 14, 13-21
 
ГОРА ФАВОР
 
Евангелие от Матфея 17, 1-9
ТРОПАРЬ, Глас 7-й
Преобразился еси нагоре, Христе Боже, показавый учеником Твоим славу Твою, якоже можаху, да возсияет и нам грешным Свет Твой присносущный молитвами Богородицы; Светодавче, слава Тебе.
 
КОНДАК, Глас 7-й
На горе преобразился еси, и якоже вмещаху, ученицы Твои славу Твою, Христе Боже, видеша, да егда Тя узрят распинаема, страдание убо уразумеют вольное, мирови же проповедят, яко Ты еси воистинну Отчее сияние.
 
ВЕЛИЧАНИЕ
Величаем Тя,  Живодавче Христе, и почитаем Пречистыя Плоти Твоея преславное преображение.
 
СТИХИРА, Глас 2-й
Иже светом Твоим всю вселенную осветив, на горе высоце преобразился еси, Блаже, показав учеником Твоим силу Твою, яко мир избавляеши от преступления. Темже вопием Ти: милосерде Господи, спаси души наша.
 
СТИХИРА, Глас 5-й
Приидите, взыдем на гору Господню и в дом Бога нашего и узрим славу преображения Его, славу яко единороднаго от Отца, светом приимем свет и, возвышени бывше духом, Троицу единосущную воспоим во веки.
 
СТИХИРА, Глас 4-й
На горе Фаворстей преобразился еси, Иисусе, посреди Илии и Моисея премудрых со Иаковом, Петром и Иоанном. Петр же, сопребывая, сия Тебе глаголаше: Добро есть зде сотворити три сени, едину Моисею и едину Илии и едину Тебе, Владыце, Христе. Иже тогда свет Твой сим возсиявый, просвети души наша.
 
СТИХИРА, Глас 8-й
Поят Христос Петра, Иакова и Иоанна на гору высоку едины и преобразися пред ними, и просветися лице Его, яко солнце, ризы же Его быша белы, яко свет, и явишася Моисей и Илиа с ним глаголюще, и  облак светел осени их. И се, глас из облака глаголющ: Сей есть Сын Мой возлюбленный, о Немже благоволих, Того послушайте.
 
СТИХИРА, Глас 6-й
Прообразуя воскресение Твое, Христе Боже, тогда поят три Твоя ученики, Петра и Иакова и Иоанна, на Фавор возшел еси. Тебе же, Спасе, преобразующуся, Фаворская гора светом покрывашеся, ученицы Твои, Слове, повергоша себе долу на земли, Ангели служаху страхом и трепетом, небеса убояшася, земля вострепета, видяще на земли славы Господа.
 
ВДОЛЬ БЕРЕГА СРЕДИЗЕМНОГО МОРЯ
 
ГОРА КАРМИЛЬ
 
3-я Книга Царств 18, 16-39
 
ТРОПАРЬ, Глас 4-й
Во плоти Ангел, пророков основание, вторый предтеча пришествия Христова Илиа славный, свыше пославый Елисееви благодать недуги отгоняти и прокаженныя очищати, также и почитающим его точит исцеления.
 
КОНДАК, Глас 2-й
Пророче и провидче великих дел Бога нашего, Илие великоимените, вещанием твоим уставивый водоточныя облаки, моли о нас Единаго Человеколюбца.
 
ВЕЛИЧАНИЕ
Величаем тя, пророче Божий Илие славнее, и почитаем еже на небеса с плотию огненное восхождение твое.
 
 
КЕСАРИЯ
 
Деяния 10, 1-9
 
 
ИОППИЯ (ЯФФА)
 
Деяния 9, 36-43; 10, 1-23
 
ТРОПАРЬ, Глас 4-й
Апостолов первопрестольницы и вселенныя учителие, Владыку всех молите мир вселенней даровати и душам нашим велию милость.
 
КОНДАК, Глас 4-й
Лозие явистеся Христова винограда, мудрии, гроздие приносяще в добродетелех, вино нам списения источающе: егоже приемлем, веселия исполняющеся. Празднуем честную вашу память, в нюже молите дароватися нам велицей милости и отпущению грехов, Господи апостоли.
 
СТИХИРА, Глас 2-й
Киими песненными добротами воспоем Петра и Павла, богоразумия крыле, прелетевшия концы, и к небеси вознесшияся руце Евангелиа благодати, нозе истиннаго проповедания, реки премудрости крестныя, роги, имиже демонов бровь Христос низложи, имеяй велию милость.
 
ВЕЛИЧАНИЕ
Величаем вас, Апостоли Христовы, весь мир ученьми своими просветившия и вся концы ко Христу приведшия.
 
ГРОБНИЦА ПРАВЕДНОЙ ТАВИФЫ
 
ТРОПАРЬ ПРАВЕДНОЙ ТАВИФЕ, Глас 4-й
Днесь вера Христова утверждается каменем веры, ликовствует в веселии Иоппия, псаломски славословят Жизнодавца Сына Божия  вернии, видяще совершаемо велие чудо: первоверховный Апостол глаголет, и умершая востает от гроба, юже Низложитель смерти дарует Церкви, да украшаются во образ ея добродетельми людие. Приидите убо, христиане, принесем ко святей моления наша: блаженная Тавифо и милосердная, вознеси наша воздыхания Пресвятей Троице и молися со дерзновением, да сынове Света Превечнаго будем, да сподобимся Божия милости, да пребываем в любви Божественней и да царствует мир во вселенней.
 
КОНДАК, Глас 4-й
Ужасахуся иоппийстии людие, и дивляхуся Ангелии Божии, егда Исцеливый Еннея воззва от мертвых серну нарицаемую, милосердием преукрашенную, о нейже к нему взываху вдовицы неимущия. И ныне, Тавифо блаженная, услыши молитвы наша, к тебе приносимыя, и испроси у всяческих благ Подателя милости и щедроты верным Его, да блажаще тя, вопием ти: радуйся, добродетели нас научающая.
 
ВЕЛИЧАНИЕ
Величаем тя, святая праведная Тавифо, и чтим святую память твою, ты бо молиши за нас Христа Бога нашего.
 
 
ЛИДДА
 
ХРАМ
СВЯТОГО ВЕЛИКОМУЧЕНИКА ГЕОРГИЯ
 
ТРОПАРЬ, Глас 4-й
Яко пленных свободитель и нищих защититель, немощствующих врач, царей поборниче победоносче велокомучениче Георгие, моли Христа Бога спастися душам нашим.
 
КОНДАК, Глас 4-й
Возделан от Бога показался еси благочестия делатель честнейший, добродетелей   рукояти   собрав    себе,    сеяв    бо    в    слезах, веселием жнеши,
страдальчествовав же кровию, Христа приял еси и молитвами, святее, твоими подаеши прегрешений прощение.
 
ВЕЛИЧАНИЕ
Величаем тя, страстотерпче святый Георгие, и чтим честная страдания твоя, яже за Христа претерпел еси.
 
СТИХИРА, Глас 4-й
Страдалец дивный, воин храбрый непобедимь и светильник всемирный, подвиги страданий твоих просвещая мира концы, отгоняя мрак демонов лютый, Георгие страстотерпче, удобрение мучеников и согражданин небесных воинств.
 
На высоту небесную радуяся возшел еси, в прекрасную одежду облечен от твоих страдальческих кровей обагреную , Царю всех представ, живоначальною десницею венчаемь. Темже днесь, Георгие великострадальче, твою память свентозарную совершающим испроси просвещение и спасение душ наших.
 
ПРОЩАНИЕ СО СВЯТОЙ ЗЕМЛЕЙ
 
Ныне отпущаеши раба Твоего, Владыко, / по глаголу Твоему  с миром, / яко видеста очи мои спасение Твое, / еже еси уготовал пред лицем всех людей, / свет во откровение языков // и славу людей Твоих Израиля.
 
Свете тихий святыя славы безсмертнаго Отца небеснаго, святаго блаженнаго, Иисусе Христе. Пришедше на запад солнца, видевше свет вечерниий поем Отца, Сына и Святаго Духа Бога. Достоин еси во вся времена пет быти гласы преподобными, Сыне Божий, живот даяй, темже мир Тя славит.
 
ВЕЛИКОЕ СЛАВОСЛОВИЕ
 
Слава в вышних Богу, и на земли мир, в человецех благоволение. Хвалим Тя, благословим Тя, кланяемтися, славословим Тя, благодарим Тя  великия ради славы Твоея. Господи, Царю небесный, Боже Отче Вседержителю, Господи, Сыне Единородный Иисусе Христе и Святый Душе, Господи Боже Ангче Божий Сфне Отечь, вземляй грех мира, помилуй нас; Вземляй грехи мира, приими молитву нашу, седяй одесную Отца, помилуй нас. Яко ты еси един Свят, Ты еси един Господь Иисус Христос в славу Бога Отца. Аминь. На всяк день благословлю Тя и восхвалю / имя Твое во веки и в век века.
 
Сподоби Господи в день сей без греха сохранитися нам. / Благословек еси, Господи Боже отец наших, / и хвально и прославлено имя Твое во веки. Аминь.
 
Буди, Господи, милость Твоя на нас, / якоже уповахом на Тя. / Благословен еси, Госопди, научи мя оправданием  Твоим. (трижды).
Господи, прибежище был еси нам в род и род. / Аз рех: Господи, помилуй мя, / исцели душу мою, / яко согреших Тебе. /  Господи, к Тебе прибегох, научи мя творити волю Твою,/ яко Ты еси Бог мой, / яко у Тебе источник живота, / во свете Твоем узрим свет. // Пробави милость Твою ведущим Тя.
 
Святый Боже, / Святый Крепкий, / Святый Безсмертный, // помилуй нас (трижды).